Алматының «Қайрат» клубы футзалдан 2009 жылғы Қазақстан кубогының жеңімпазы атанды

АСТАНА. Желтоқсанның 20-сы. ҚазАқпарат /Ернұр Ақанбай/ - Алматының «Қайрат» клубы футзалдан 2009 жылғы Қазақстан кубогының иегері атанды,

деп хабарлайды ҚазАқпарат.

 Қарағандыда өткен 2009 жылғы Қазақстан кубогы үшін жарыстағы «төртеудің финалында» ел чемпионы - «Қайрат» командасы жартылай финалда Қарағандының «Грейс+» клубын жеңді. Ал, ақтық сында тағы бір қарағандылық клуб «Тұлпардан» басым түсіп, Кубокты  жеңіп алды. Үшінші орынды Астананың «Ұшқын-Искра» командасы еншіледі. Ол «Грейс+» клубынан 2:1 есебімен басым түсті.

Футзалдан 2009 жылғы Қазақстан кубогы үшін болған жарыстың «үздік ойыншысы» болып «Қайрат» шабуылшысы Катата танылды. «Тұлпар» ойыншысы Михаил Першин 7 гол соғып сұрмерген атанса,  «Ұшқын-Искра» командасының ойыншысы Владимир Ковган «үздік қорғаушы», ал «Грейс+» командасының қақпашысы Виктор Зайковский «үздік қақпашы» атанды.