Америкада тұрып жатқан Аманжол оралдық достарымен қауышты

ОРАЛ. Мамырдың 27-сі. ҚазАқпарат /Ғайсағали Ералы/ - Батыс Қазақстан облыстық жұмыспен қамту және әлеуметтік бағдарламаларды үйлестіру басқармасында америкалық Бетэнн Марчионна мен осыдан екі жыл бұрын шетелге асырауға берілген Аманжолмен кездесу ұйымдастырылды,

деп хабарлайды ҚазАқпарат тілшісі. Олардың бұл жолғы келу мақсаты ? Аманжолдың Көшім интернатында қалған досы Сергей Ионовты өздерімен бірге алып кетіп, жазғы демалысты бірге өткізу екен. Осыдан бір жыл бұрын Марчионна отбасы Андрей есімді кемтар баланы да алып кетіп, емдеткен болатын. Елге жеткенше асыққан Аманжол достарымен қайта қауышуға мүмкіндік жасағандарға алғысын білдірді.