Американдықтар әлемдегі ең көрікті ұлт деп танылды

АСТАНА. Ақпанның 18-і. ҚазАқпарат - Ұлыбританияда қай елдің әлемдегі ең көрікті ұлт болып табылатынын анықтау мақсатында әлеуметтік сауалдама өткізілді. Зерттеу қорытындылары бойынша бірінші орында американдықтар болып шықты,

деп хабарлайды ҚазАқпарат Утро.руға сілтеме жасап.

Екінші орында - бразилиялықтар, ал атақты голливудтық актриса Пенелопа Крустің отаны Испания сияқты ел үшінші орынды иеленді. Бұл рейтингте ресейліктер 14-ші орыннан табылды.

Зерттеуді жүргізген www.OnePoll.com өкілдері Джессика Альбаның, Дженнифер Энистонның және Брэд Питтің бейнелері Америкада тек сұлу адамдар тұратын елдің имиджін жасады деп санайды.