АМТ-ға қарасты барлық шахталардың жұмысы тоқтатылды

"АрселорМиттал Теміртау" АҚ компаниясына тиесілі 8 шахтаның жұмысы уақытша тоқтатылды, деп хабарлайды Кazinform тілшісі.

"АрселорМиттал Теміртау" АҚ баспасөз қызметінде барлық шахталардың жұмысы тоқтатылғанын растады.

"Барлық шахталардың жұмысы бір тәулікке тоқтатылды. Осы уақыт ішінде шахталардағы газ жүйесінің қауіпсіздігі тексеріледі", - деп хабарлады АМТ баспасөз қызметі.

Мұндай шешімнің қабылдануына не себеп болғаны әзірге белгісіз.