Ана 3 баласын алапат өрттен құтқарды

АСТАНА. ҚазАқпарат - АҚШ-тың Техас штатындағы Хьюстон қаласында ірі өрт болды, деп жазады ABC News.

Хьюстон өрт сөндіру қызметінің өкілдерінің айтуынша, оқиға 26 ақпанда болған. Тұрғын Маргарет Уильямс үш баласын жылдам тараған жалыннан құтқару үшін өрт сөндірушілер жеткенше үйдің балконына шығарып үлгерген.

ABC News-тің Туиттерде таратқан видеосында батыл қимылдаған ана алдымен кіші ұлын, кейін екінші сосын, үлкен қызын жылдам құтқарушылардың қолына берген сәті түсірілген. Сосын өзі де сатыдан түсіп, қауіпсіз жерге шыққан.

 

Incredible video shows firefighters rescuing a mother and her three children from a raging fire that destroyed 16 apartments in Houston, Texas. It is still not known what caused the terrifying blaze. https://t.co/1v2aOUAidR pic.twitter.com/umF6BSLJbf

— ABC News (@ABC) 27 февраля 2018 г.

Өрттің туындау себептері әзірге белгісіз. Тілсіз жау 16 пәтерді күлге айналдырған. Құрбандар туралы мәлімет жоқ.

Фото: abcnews.go.com