Андрей Голубев Швециядағы ATP турнирінің жеңімпазы атанды

Қазақстандық Андрей Голубев жұптық сында Стокгольм (Швеция) ATP 250 турнирінің чемпионы атанды, деп хабарлайды Kazinform. 

Қазақстандық теннисші украиналық Денис Молчановпен бірге финалда үндістандық Юки Бхамбри – ұлыбританиялық Джулиан Кэшпен бас жүлдені сарапқа салды.

Қазақстандық-украиналық жұп 7:6 (10:8), 6:2 есебімен жеңіске жетіп, чемпиондық атаққа ие болды.

Бір сағат 37 минутқа созылған матчта А.Голубев – Д.Молчанов 1 эйс жасап, 15 брейк-пойнттың үшеуін пайдаланды. Қарсылас дуэт 5 эйс, 1 брейкпен (3 брейк-пойнт) көзге түсті.

Еске сала кетейік, Александр Бубликтің Бельгиядағы жарыстың финалына шыққанын жазған болатынбыз.

А.Бублик бүгін финалда әлемнің 38-ракеткасы, франциялық Артюр Фиспен ойнайды.