Англиядағы АЭС-те өрт шықты
АСТАНА. Қарашаның 25-і. ҚазАқпарат - Англияның оңтүстік-шығысындағы Кент графтығында Dungeness атом электр стансысы бойлер кіші стансысындағы өрттен жұмысын тоқтатты,
деп хабарлайды ҚазАқпарат РБК сайтына сілтеме жасап.
Полиция өкілдерінің хабарлауынша, өрт туралы ақпарат алысымен өрт сөндірушілер төтенше жағдай орнына тез-ақ жетіп келген. British Energy өкілінің айтқанындай қоршаған ортаға және халыққа төніп тұрған қатер жоқ,радиоактивті материалдардың ағуы да тіркелмеген. Өрттің шығу себебі әзірге белгісіз. Тергеу жүргізілуде.
