Арақ ішкен 22 жасар азамат өзімен бірге тұратын әйелді ұрып өлтірген - БҚО
ОРАЛ. 15 наурыз. ҚазАқпарат - 12 наурыз күні Ақжайық ауданының орталығы Чапаев ауылы Қонаев көшесіндегі үйден 1987 жылғы А. деген азаматшаның мүрдесі табылды.
Облыстық ішкі істер департаментінің баспасөз қызметінен түскен мәліметке қарағанда, полицейлер қылмыстың ізін суытпай ашып, 1991 жылғы Б. деген азаматты қолға түсірді. Ол арақ ішкен күйінде ұрыс-талас үстінде өзімен бірге тұратын әйелді ұрып-соғып өлтірген.
Аталған факті бойынша ҚР ҚК 103-бабы 3-бөлімі бойынша қылмыстық іс қозғалып, тергеу амалдары жүргізілуде.
