12:58, 13 Маусым 2024 | GMT +5
Археологиялық жұмыстарға лицензия беру тетіктері күшейтіледі
![Археология Археология](/static/img/plug.webp)
АСТАНА. KAZINFORM – Археологиялық жұмыстарға лицензия беру тетіктері күшейтіледі. Бұл жайында Мәдениет және ақпарат министрлігінен мәлім етті.
«Президенттің Ұлттық құрылтайдың «Адал адам-Адал еңбек-Адал табыс» үшінші отырысында берген тапсырмасына орай қазіргі уақытта Парламент Мәжілісі депутаттарымен бірлесіп, археология саласындағы мәселелерге қатысты қолданыстағы заңнамаларға өзгерістер енгізу бойынша жұмыстар істелініп жатыр. Осы іс-шаралардың аясында археологиялық жұмыстардың атауларын бөліп-жарып нақтылау, археологиялық жұмыстарға лицензия беру тетіктерін күшейту, археологиялық олжаларды сақтауға қатысты нормаларды жетілдіру қарастырылуда», - деп атап өтеді министрліктен агенттіктің ресми сауалына орай.