«Арна Медиа» холдингі УЕФА чемпиондар лигасы мен УЕФА Еуропа лигасы матчтарын трансляциялауға арналған эксклюзивті құқықты сатып алды
АСТАНА. Қыркүйектің 11-і. ҚазАқпарат - Ағымдағы жылы «Арна Медиа» Ұлттық ақпараттық холдингі «Қазақстан», «Хабар» және «Ел арна» ұлттық телеарналарында УЕФА чемпиондар лигасы мен УЕФА Еуропа лигасы матчтарын трансляциялауға арналған эксклюзивті құқықты сатып алды.
УЕФА-мен үш жылға жасасқан шарт қазақстандық футбол жанкүйерлеріне Еуропаның үздік футбол клубтарының барынша толық матчтарын тамашалауға мүмкіндік береді. 2009/2010 жылғы футбол маусымының басынан аяғына дейін жанкүйерлер «Ливерпуль», «Арсенал», «Челси», «Реал Мадрид», «Ювентус» және «Милан» сияқты командалардың ойындарын көре алады.
2009 жылғы қыркүйектің 15-інен бастап ұлттық телеарналар көрермендердің назарына «Барселона» және «Манчестер Юнайтед» сияқты даңқты командалардың кездесулерін ұсынатын болады.
