21:00, 31 Шілде 2025 | GMT +5
«Астана Аренада» Джей Лоның концертіне соңғы дайындық жұмыстары жүргізіліп жатыр
АЛМАТЫ. KAZINFORM – «Астана Аренада» әлемдік эстрада жұлдызы Дженнифер Лопестің 1 тамызда өтетін концертіне дайындық жұмыстары аяқталуға жақын, деп хабарлайды Kazinform тілшісі.
Аренада сахна, сондай-ақ шоуға қажетті барлық құрал-жабдық орнатылған.
Стадион ішінде жұмысшылар монтаждау және дайындық жұмыстарын пысықтап жатыр.
Спорт нысанының жанына уақытша қоршаулар орнатылды. Полиция қызметкерлері маңайдағы тәртіпті қамтамасыз етіп жатыр.
Айта кетейік, Дженнифер Лопестің Қазақстан астанасындағы өнер көрсетуі оның «Up All Night» әлемдік турнесінің бір бөлігі болмақ. Концертке 50 мыңнан астам көрермен келеді деп күтіліп отыр.
