«Астана арландарының» капитаны сайланды
Әуесқой бокста ел намысын абыроймен қорғап жүрген былғары қолғап шебері Олжас Сәттібаев «Астана арландары» командасында 2013 жылдан бері өнер көрсетіп келеді. 2015 жылы «арландар» сапында Бүкіләлемдік бокс сериясының чемпионы атанды. Былтыр наурыз айында Қытайда өткен Олимпиада ойындарының іріктеу турнирінде қола жүлдеге ие болып, төртжылдықтың басты додасына жолдама жеңіп алды.
Жалпы Олжас WSB жобасына қатыса жүріп, мол тәжірибе жинады. Бұрынғыдан да ширыға түсті. 2015 жылы Азия құрлығында өзіне тең келер қарсылас жоқ екенін дәлелдеді.
Ұлттық құрамада біраз жыл тер төккен тәжірибелі боксшы Олжасты биыл «Астана арландарының» клубы биылғы маусымның капитаны етіп сайлады.
Олжастың жетістіктері
Жасөспірімдер (кадеттер) арасындағы әлем чемпионы. Ұлыбритания-2005.
Жастар арасындағы әлем чемпионатының күміс жүлдегері. Марокко-2006.
Азия чемпионатының қола жүлдегері. Қытай-2009.
Әскерилер арасындағы әлем чемпионы. Алматы-2014.
ҚР Бокс федерациясы кубогының иегері.
WSB чемпионы. Астана-2015.
Азия чемпионы. Таиланд-2015.
Қазақстанның үш дүркін чемпионы. Қазақстан-2008, 2009, 2014.
Рио-де-Жанейро Олимпиадасына жолдама берілетін «А» дәрежесіндегі турнирдің қола жүлдегері және 2016 жылғы жазғы Олимпиада жолдамасының иегері. Көптеген халықаралықт турнирлердің жеңімпазы.