Астана әуежайында екі Ауғанстан азаматы жалған төлқұжаттармен ұсталды

АСТАНА. ҚазАқпарат - Өткен жылдың 30 желтоқсаны күні сағат 04.37-де «Астана» шекаралық бақылау отрядының шекара наряды Астана қаласының халықаралық әуежайында «Минск - Астана» бағытымен В2 775 әуе рейсімен ұшып келген жолаушылардың құжаттарын тексеру барысында Ауғанстан Ислам Республикасының 1982 жылы туған азаматын және 1990 жылы туған азаматшасын ұстады.

Олар біздің елімізге Тәжікстан азаматтарының жалған төлқұжаттарымен кірмек болған, деп хабарлайды ҚР ҰҚК ШҚ баспасөз қызметі.