Астана халықаралық әуежайында 20 шақты рейс кешігіп жатыр

АСТАНА. KAZINFORM — Астана халықаралық әуежайына ұшып келуге тиіс және осы жерден ұшатын бірқатар рейс кешікті. 

Қазіргі уақытта әуежайдан ұшады деп жоспарланған 78 рейстің 6-ауы ұшақтың кеш келуіне байланысты кешігіп жатыр.

Сондай-ақ, ұшып келуге тиіс 79 рейстің 15-і кешікті. 

Қолайсыз ауа райына байланысты рейстер кешігіп немесе кейінге қалған жоқ.

Ұшу-қону жолағын қардан тазарту жұмыстары үздіксіз жүріп жатыр. 

«Жолаушылар рейс туралы ақпаратты және олардың кестедегі ықтимал өзгерістері туралы мәліметті әуекомпаниядан, сондай-ақ Астана халықаралық әуежайының ресми сайтынан немесе тәулік бойы жұмыс істейтін байланыс орталығынан 8 (7172) 702-999 біле алады» деп хабарлады әуежайдан.