Астана-Қарағанды бағытына жаңа электр пойызы жүрмек

АСТАНА. ҚазАқпарат - Астана-Қарағанды бағытына жаңа электр пойызы жүрмек. Пойыз алғашқы сапарына ертеңнен бастап шығады, деп хабарлайды 24.kz.

Пойыз жолда тек Сортировочная стансасына ғана аялдайды. Ал билеттің ең жоғары құны 1183 теңгені құрап отыр. Электрлі пойыздың құрамы бірінші, екінші және үшінші деңгейлі үш вагоннан тұрады. Сондай-ақ онда жол көрсететін тақта, Wi-Fi және бейне бақылау жүйесі орнатылған.