Астана мен Көкшетауда екінші ауысымдағы сабақ онлайн өтетін болды

АСТАНА. KAZINFORM - Астана мен Көкшетау қалаларында ауа райының қолайсыздығына байланысты екінші ауысымда оқитын мектеп оқушылары онлайн оқитын болды. 

"Ауа райының қолайсыздығына байланысты екінші ауысымның 0-9 сынып оқушылары қашықтан оқу форматына ауыстырылды" деп хабарлайды елорданың білім басқармасы.

Сондай-ақ, Көкшетау мектептерінде екінші ауысымдағы 1-7 сынып оқушылары онлайн оқитын болды.

«Ауа райының қолайсыздығына байланысты (желдің 20 м/с дейін күшеюі, боран) 8 ақпанда екінші ауысымдағы 1-7 сынып оқушылары қашықтықтан оқыту форматына көшіріледі», — делінген қалалық білім бөлімінің хабарламасында.