Астана мен Тараз қалаларының арасында ұшақтар қайта ұшырыла бастайды - Эйр Астана
АСТАНА. ҚазАқпарат - 2015 жылдың 1 шілдесінен бастап Астана-Тараз бағытындағы рейс қайта жаңғыртылатын болды, деп хабарланған «Эйр Астана» әуе компаниясының Фейсбук желісіндегі парақшасында.
«Эйр Астана» әуе компаниясы Астана мен Тараз қалалары арасында қатынайтын әуе рейстің қайта жаңғыртылғанын қуана хабарлайды. 2015 жылдың 1 шілдесінен бастап Астана-Тараз бағытындағы рейс аптасына төрт рет орындалатын болады. Барып-қайту билетінің құны, барлық алымдарды қосқанда, 30 000 теңгеден басталады. Ішкі рейстерге билет сатып алу кезінде комиссиялық алым төленбейді», делінген хабарламада.
