Астанада 2015 жылы 14 балабақша ашылады
Бүгінгі күні Астанада түрлі сипаттағы 181 мектепке дейінгі мекеме жұмыс жасайды. Олардың қатарында 28 мыңнан астам бала тәрбиеленетін 156 балабақша, 21 мыңнан артық тәрбиеленушісі бар 81 мемлекеттік балабақша, 389 тәрбиеленушісі бар 2 ведомстволық балабақша, балалар саны 6 мыңнан асатын 73 жеке меншік балабақша, 3000-нан астам бала тәрбиеленетін 25 шағын орталық бар. Білім алатын балалардың жалпы саны 35 мың шамасында. Астана қаласы Құрылыс басқармасының мәлімдеуінше, өткен жылы балаларға арналған 3 білім мекемесі пайдалануға берілді. 2014 жылы аяқталады деп жоспарланған басқа білім мекемелерінің құрылысы 2015 жылдың бірінші тоқсанына ауыстырылды. Соған қарамастан, қалада балалар санының жыл сайын өсуіне байланысты балаларға арналған мекемелерде орын жеткіліксіз. Балабақшаларда 3-6 жастағы балаларға арналған орын тапшылығы 37 мыңнан астамды құрайды. 83,5 мың бала кезекте тұр. Биылғы жылы 3000-нан астам орынға шақталған 14 балабақша мен 60 орындық балабақшаға қосымша бір ғимаратты пайдалануға беру жоспарланып отыр. Қазіргі таңда төмендегі 720 орындық 3 балабақша бойынша мемлекеттік комиссиялар актілеріне қол қойылды: - Айнакөл мен Жұмабаев көшелері қиылысы маңында 240 орындық балабақша; - Нәжімеденов пен Мирзоян көшелері қиылысы маңында 240 орындық балабақша; - Түркістан, Керей мен Жәнібек хандар және Орынбор көшелері орамында 240 орындық балабақша. Сондай-ақ мына 2440 орындық 10 балабақша мен 60 орындық қосымша ғимараттың құрылысы жалғасуда: - №4 «Аружан» балабақшасына 60 орындық қосымша ғимарат; - Сауран мен №24 көшелер қиылысы маңында 240 орындық балабақша; - Түркістан - Орынбор - №25 - №26 көшелері қиылысы маңында 200 орындық балабақша; - Көктал-2 елді мекенінде 240 орындық санаториялық балабақша; - Сығанақ көшесінің оңтүстігінде 240 орындық №1 балабақша; - Сығанақ көшесінің оңтүстігінде 240 орындық №2 балабақша; - Комсомол елді мекенінде Қыз Жібек пен Ұлпан көшелері қиылысында 280 орындық балабақша; - Комсомол елді мекенінде Қыз Жібек пен Баян Сұлу көшелері қиылысында 280 орындық балабақша; - №23 көше ауданында (Орынбор және №36 көшелердің ортасында) 240 орындық балабақша; - Үркер шағын ауданында 240 орындық балабақша; - Айнакөл және Мирзоян көшелері қиылысы маңында 240 орындық балабақша.
