Астанада өтетін марафонға байланысты бірнеше көше жабылады

АСТАНА.KAZINFORM  - Астанада республикалық жарыс өтеді. Іс-шараны өткізу кезінде көшелердің бір бөлігі жабылады, деп жазды елорда әкімдігінің ресми сайты.

Жарыс EXPO маңында басталады. Іс-шараны өткізу кезінде Түркістан мен Ақмешіт көшелерінің учаскелеріндегі қозғалыс мына кесте бойынша жабылады:

30 сәуір күні кешкі сағат 20:00-ден бастап Түркістан көшесінде EXPO жанында арка орнату үшін;

1 мамыр күні сағат 6:45-тен 10:00-ге дейін Ақмешіт, Түркістан көшелері EXPO-дан «Бәйтерек» монументіне дейінгі аралықта.

Республикалық жарыс Қазақстан халқы ассамблеясының 30 жылдығына арналған және «Бірлігімізге 30 жыл – Ассамблеяға 30 жыл» ұранымен өтеді.

Жарыстың мақсаты – Қазақстанның барлық этносын дені сау және ұйымшылдыққа деген біртұтас ұмтылысқа біріктіру. Іс-шараға ересектер де, балалар да шақырылады.

Жүгіру қашықтығы:

1 км – балалар мен инклюзивті жүгіру;

5 км – скандинавиялық жүріс;

5 км – жаппай қолдау жүгіру іс-шарасы;

10 км және 21,1 км – сертификатталған трассалар (жас бойынша санаттар);

30 км – командалық эстафета (6×5 км, командада кемінде бір әйел).

Қатысушылар 1 мамыр күні таңғы сағат 05:30-да жиналады.

Таңғы 7-ден бастап жүгіру басталады. Іс-шара соңында қонақтар жүлделер ұтысын күтеді.