Астанада демалыс күндері ауа райы суытып, жел күшейеді
АСТАНА. ҚазАқпарат - Астанада алдағы демалыс күндері жел күшейіп, күн суытады. Бұл туралы astana.kz сайтына Ауа райын қысқа мерзімді болжау басқармасынан хабарлады.
Таратылған мәліметтерге сәйкес, ертең күндіз ауа температурасы +12+14°С, түнде +5+7°С болады. Көшпелі бұлт шығып, өткінші жаңбыр жаууы ықтимал, солтүстік-шығыстан 9-14 м/с жылдамдықпен жел соғады.
Жексенбіде күн бұлтты, жауын-шашынсыз болады. Ауа температурасы күндіз +16+18°С, түнде +3+5°С болады. Солтүстік-батыстан 9-14м/с жылдамдықпен жел соғады, кей жерлерде екпіні 18 м/с жетеді.
Алдағы аптаның басында да күн бұлтты, жауын-шашынсыз болады. Оңтүстік-батыстаан 9-14 м/с жылдамдықпен жел соғады, күндіз ауа температурасы +20+22°С және түнде +3+5°С болады.
