Астанада «Еуразия аптасы» халықаралық форумы өтеді

АСТАНА. ҚазАқпарат -  26 тамызда, жыл сайын ұйымдастырылатын «Еуразия аптасы» халықаралық форумының үшінші күні Еуразиялық зерттеулер орталығының қатысуымен «Еуразия экономикалық комиссиясы» (ЕЭК) және «Жоғары экономика мектебі» ұлттық зерттеу университеті «Еуразиялық экономикалық интеграцияның дамуындағы сараптамалық қоғамдастық пен ғылыми және білім беру мекемелерінің рөлі» сессиясын өткізеді.

Сессия аясында Еуразиялық экономикалық одаққа (ЕАЭО) мүше мемлекеттердің академиялық орталарының жетекші өкілдерінің қатысуымен панельдік пікірталас пен дөңгелек үстел ұйымдастырылады.

Еуразия кеңістігіндегі интеграциялық процестер қарқынды және жан-жақты сипаттамаға ие және мұнда түрлі салалардағы біліктілігі жоғары сарапшылардың белсенді қатысуы аса маңызды. ЕАЭО аясында интеграциялық саясатты қалыптастыруда да сараптамалық қоғамдастықтың рөлі орасан. Сол себепті Одақтың сараптамалық ұйымдары мен органдарының өзара  әрекеттестігінің тиімді моделін іздеу және олардың халықаралық сараптамалық платформаларда белсенді қатысуы қажеттілігі туындап отыр.

Сессия жұмысы барысында қатысушылар Одақ мемлекеттерінің сараптамалық қоғамдастығының өзара желілік әрекеттестігінің үлгісін құру жолдарын анықтайды. Бұл ұсынымдарды жетілдіруге және ЕАЭО еуразиялық экономикалық интеграциясын дамыту бойынша шешімдер қабылдауға, Еуразия экономикалық одағының болашақ образын қалыптастыруға жәрдемдесуге ықпал етеді. Одан бөлек, сараптамалық желінің бірлескен жұмысы Одақ аясындағы интеграциялық процестерді жүзеге асыруда сұранысқа ие мамандардың ғылыми және кадрлық әлеуетін арттыруға септігін тигізетін болады.

Талқылауға төмендегі тақырыптар ұсынылады:

- Еуразиялық экономикалық интеграцияның дамуындағы сараптамалық қоғамдастықтың, ғылыми және білім беру мекемелерінің қазіргі рөлі;

- Қысқа және орта мерзімді келешектегі ЕАЭО дамуының өзекті мәселелері, талап етілетін сараптамалар мен қоғамдық талқылаулар;

- Еуразиялық экономикалық интеграцияның дамуына жауапты сараптамалық қоғамдастық, ғылыми және білім беру ұйымдары мен органдары арасындағы ынтымақтастықтың тиімді форматтары;

- Еуразиялық экономикалық интеграция бойынша мамандарды тиімді әзірлеудің келешегі.

Сессияға тыңдаушы және/немесе баяндамашы ретінде ЕАЭО елдерінің жас ғалымдары, оқытушылары, жоғары білім беру мекемелерінің басшылары және қызметкерлері, тәуелсіз сарапшылар, БАҚ аналитикалық шолушылары, өзге де сараптамалық және ғылыми ұйымдардың өкілдері шақырылады.

Сессияға қатысу үшін тілек білдірушілер 2017 жылдың 9 тамызына дейін [e-mail] электронды поштасына аты-жөні мен лауазымын жіберіп, қатысушы мәртебесін растауы керек және «Еуразия аптасы» форумының сайтында (www.eurasianweek.org) тіркелу қажет. Шараға қатысушылар саны шектеулі.

«Еуразиялық экономикалық интеграцияның дамуындағы сараптамалық қоғамдастық пен ғылыми және білім беру мекемелерінің рөлі» сессиясы 26 тамыз күні 12:00-16:00 аралығында «ЭКСПО-2017» көрмесінің Конгресс-орталығында өтеді. Панельдік пікірталастар №2 залда, дөңгелек үстел - №3 залда болады.

Байланыс үшін:

Еуразиялық экономикалық комиссия

Крупин Станислав Вадимович, тел.: [phone], доб. 41-75, электронды пошта: [e-mail]

«Жоғары экономика мектебі» ұлттық зерттеу университеті

Демидкина Ольга Вячеславовна, тел.: [phone], доб. 11-671, электронды пошта: [e-mail]

Еуразиялық зерттеулер орталығы

Кофнер Юрий Юрьевич, тел.: [phone], электронды пошта: [e-mail]  

«Еуразия апталығы» шараларына қатысу тегін. Қатысушылар мен БАҚ өкілдерін www.eurasianweek.org сайтында тіркеуге болады.