Астанада Гауһартас көшесінің бір бөлігі уақытша жабылады

АСТАНА. KAZINFORM – Астана қаласының Көлік және жол-көлік инфрақұрылымын дамыту басқармасы қала тұрғындары мен қонақтарын Телқоңыр көшесінен Тұран даңғылына дейінгі учаскеде Гауһартас көшесіне орташа жөндеу жүргізеді. 

Астана әкімдігінің мәліметінше осыған байланысты, 19-23 сәуір аралығында аталған учаскеде қозғалыс толығымен жабылады. Бұл ретте қозғалыс жақын жерде орналасқан көшелермен ұйымдастырылатын болады.

— Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз.
Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады, — делінген хабарламада.

Айта кетелік астанада үш автобустың бағыты өзгеретіні туралы жазған едік.