Астанада «Қазақстан - болашаққа ұмтылған ел. Ұлттық көшбасшы факторы» кітабының таныстырылымы өтті
ong> АСТАНА. Қыркүйектің 29-ы. ҚазАқпарат /Димаш Сыздықов/ - Сейсенбі күні елордалық «Риксос» отелінде «Нұр Отан» халықтық-демократиялық партиясы төрағасының бірінші орынбасары Дархан Кәлетаевтың «Қазақстан - болашаққа ұмтылған ел. Ұлттық көшбасшы факторы» кітабының таныстырылымы өтті.
Бұл шараға көрнекті саяси және қоғам қайраткерлері, сондай-ақ қазақстандық жетекші бұқаралық ақпарат құралдарының бас редакторлары қатысты.
Бұл еңбек - Қазақстанның өткенін, бүгінгісі мен келешегін саралаудың жаңа талпынысы болып табылады және тәуелсіз республика тарихындағы Елбасының рөліне арналып отыр.
Президенттің көмекшісі-Қауіпсіздік кеңесінің хатшысы Марат Тәжин атап көрсеткендей, кітаптың ерекшелігі сол, автор Қазақстанның қалыптасуы мен дамуын Елбасының саяси көшбасшылығының призмасы арқылы зерттеуге тырысқан. «Бұл еңбектің басты құндылығы - онда Нұрсұлтан Назарбаевтың саяси стилінің кейбір қыр-сырлары қысқа әрі нұсқа көрсетілген», - деп атап көрсетті Қауіпсіздік кеңесінің хатшысы.
М.Тәжиннің пікірінше, Д.Кәлетаевтың еңбегі қазақ мемлекеттілігіне, даму моделін таңдауына, этникааралық проблемаларға және басқа да мәселелерге қатысты бірқатар түйінді мәселелерге алдын ала жауап береді.
