09:52, 30 Желтоқсан 2009 | GMT +5
Астанада «Мобитекс групп» корпорациясының қоймасында өрт болды
АСТАНА. Желтоқсанның 30-ы. ҚазАқпарат - Төтенше жағдайлар министрлігінің хабарлауынша, Астанада тағы бір қоймада өрт болды.

Оқиға салдарынан құрбан болғандар және зардап шеккендер жоқ.
Өрт желтоқсанның 29-ында сағат 20.09-да Сарыарқа ауданындағы Жамбыл (2 «а») көшесінде тіркелді. «Мобитек групп» корпорациясының 200 шаршы метр ауданға орналасқан қоймасының шатыры өртенді. Тілсіз жау Астана қаласы Төтенше жағдайлар департаментінің өрт сөндіру қызметінің күшімен сөндірілді. Өртті ауыздықтауға 38 адам және 10 техника жұмылдырылды.