Астанадағы Есіл өзеніне 500 мыңнан астам тұқы шабағы мен ақ амур жіберілді
АСТАНА. KAZINFORM — 29 қыркүйекте Есіл өзеніне балық жіберудің алғашқы кезеңінде орташа салмағы 10 грамм болатын 367 мыңнан астам тұқы шабақтары жіберілді. Бұл туралы АШМ баспасөз қызметі хабарлады.
Жыл сайынғы балықтандырудың мақсаты — табиғи су айдындарындағы балық қорын сақтау және оны тиімді пайдалану, сондай-ақ қала тұрғындарының демалысына қолайлы жағдай жасау. Бұл жұмыстардың барлығы Ауыл шаруашылығы министрлігі Балық шаруашылығы комитетінің мемлекеттік тапсырысы аясында жүзеге асырылып жатыр.
Осы ретте, 29 қыркүйекте Есіл өзеніне балық жіберудің алғашқы кезеңінде орташа салмағы 10 грамм болатын 367 мыңнан астам тұқы шабақтары жіберілді.
Қазан айында екінші кезеңі өтеді. Онда «Нұрлы жол» теміржол вокзалы маңындағы Есіл өзеніне қосымша 237 мыңнан астам ақ амур жіберіледі.
Айта кетелік балық шаруашылығы субъектілерін E-fish жүйесінде тіркеу күшіне енді.
