Астанадағы әуе базасын құру жұмысы бюджетте қарастырылған ? В.Божко
АСТАНА. Қаңтардың 20-сы. ҚазАқпарат /Арман Асқаров/ - Елбасының берген тапсырмасына сәйкес біз Боралдай әуежайындағы авиацияның бір бөлігін Астана қаласына көшіруіміз қажет. Бүгін ҚР Премьер-Министрі Кәрім Мәсімовтың қатысуымен өткен 2008 жылдың қорытындысына арналған алқа мәжілісінде ҚР Төтенше жағдайлар министрі Владимир Божко осылай айтты,
деп хабарлайды ҚазАқпарат.«Соның нәтижесінде біз еліміздің солтүстік аймақтарын, оның ішінде Бурабай курортты аумағын өрт қауіпсіздігімен қамтамасыз ете аламыз. Бүгінде осы жұмысты атқаруға қажетті техникалық-экономикалық негіздеме бар. Бюджетте Астанадағы әуе базасының құрылысына бөлінетін қаржы қарастырылған», - деді В.Божко. Министрдің сөзіне қарағанда, бүгінгі таңда отандық құтқару қызметі қосымша 7 ұшақ және тікұшақпен жасақталған. Алдағы уақытта Шортан қаласы мен Бурабай кентінде 30 өрт сөндіру депосын салу жоспарланған.
