Астаналық спортшылар пара-жеңіл атлетикадан Финляндияда өткен турнирде медаль жеңіп алды

Астаналық спортшылар пара-жеңіл атлетикадан Финляндияның Эспоо қаласында өткен Virtus Open European Athletics Indoor Championships 2025 чемпионатында сәтті өнер көрсетті. Бұл туралы Астана қаласы әкімдігінің баспасөз қызметі хабарлады.

Турнирге Қазақстан құрамасы сапында астаналық II3 санатты (аутизм) спортшылары Дастан Ордабай, Азамат Әшірбай, Дмитрий Шарай және Мәди Жақып қатысты.

Жарыс Эспоо қаласында (Финляндия) Kameleonten спорт кешенінде өтті, оған 13 елден 200-ден астам адам қатысты. Бұл елордалық спортшылардың халықаралық аренадағы дебюті болды және олар Еуропаның жетекші спортшыларымен, оның ішінде Париждегі Паралимпиада ойындарының жүлдегерлерімен бәсекеге түсіп, ел намысын абыроймен қорғады.

Жігіттер үшін бұл олардың халықаралық аренадағы алғашқы тәжірибесі болды және олар еуропалық үздік спортшылармен, оның ішінде Париждегі Паралимпиада ойындарының жүлдегерлерімен бәсекеге түсіп, Қазақстанның намысын абыроймен қорғады. Бұл жарыстар Паралимпиада циклінің күшті бастамасы болды және келесі қадам Халықаралық Паралимпиада комитеті халықаралық ұйымының (IPC) рұқсатымен өтетін жарыстарға қатысу екенін растады.

Елордалық спортшылардың нәтижелері:

60 метрге жүгіру (II3)
Дастан Ордабай (Астана) – күміс;
Дмитрий Шарай (Астана) – қола.

1500 м жүгіру (II3)
Азамат Әшірбай (Астана) – қола.

200 м жүгіру (II3)
Дастан Ордабай (Астана) – күміс.

800 м жүгіру (II3)
Дастан Ордабай (Астана) – күміс;
Азамат Әшірбай (Астана) – қола;
Дмитрий Шарай (Астана) – 4 орын.

Ұзындыққа секіру (II3)
Дастан Ордабай (Астана) – алтын.

Айта кетелік Тимофей Скатов Бухаресте негізгі турнирге өтті.