Астаналық «Барыстың» қорғаушысы салған гол ҚХЛ рейтингінің үздік үштігіне кірді

АСТАНА. ҚазАқпарат - Құрлықтық хоккей лигасы тұрақты чемпионаттың екінші аптасының үздік голдарының рейтингін жария етті, деп жазады RT.

ҚХЛ-ның ресми сайтында рейтинг бойынша үшінші орында астаналық «Барыс» командасының қорғаушысы Даррен Диц тұрғандығы хабарланған. Оның нижегородскілік «Торпедо» командасына салған голы үздік үштіктен көрінген. 

Екінші орында «Югра» командасымен болған ойында көзге түскен Риганың «Динамо» командасының шабуылшысы Лукас Лессио тұр. Ең үздік шайбаны «Сочи» командасына уфалық «Салват Юлаев» командасының қорғаушысы Филипа Ларсен салған.