Астаналық нотариустар жылжымайтын мүлікті электронды тіркеу жүйесіне көшті
Семинарды Астана қаласының Әділет департаменті мен қалалық Нотариаттық палатасы ұйымдастырды, деп хабарлайды astana.kz сайты аталған ведомствоға сілтеме жасап.
Әділет департаментінің мәліметі бойынша, бұл жаңалық 2013 жылдың 1 қаңтарынан бастап енгізілген. Электронды тіркеу арқылы жылжымайтын мүлікті тіркеу уақытын 1 күнге дейін қысқартуға болады.
Еске салайық, жылжымайтын мүлікті электронды тіркеу - мәміле нотариат куәландырғаннан кейін бірыңғай нотариаттық ақпараттық жүйеден құқықтық кадастрдың ақпараттық жүйесіне автоматты түрде түсетін құқық белгілейтін құжаттың электрондық көшірмесі негізінде жүзеге асырылатын мемлекеттік тіркеу.
Іс-шара соңында, нотариаттық әрекетке байланысты қолданыста жүрген заңнамаларға енгізілген толықтырулар мен өзгертулер талқыланып, нотариустардың барлық сұрақтарына қанағаттандырлық жауап берілді.