Астаналық ұстаздар мен оқушыларға арналған басылым жарық көрді
«Басылым оқушылардың шығармашылық қабілетінің қалыптасуына, интеллектуалды жеке қажеттіліктерінің дамуына, балалардың өнегелі болып өсуіне қызмет етеді. Газет ашудағы басты мақсат - қалың көпшілікке Елорда мектептерінде қызмет етіп, шәкірт тәрбиелеп жүрген мұғалімдердің еңбегінің шынайы болмысы, олардың жеке тұлға қалыптастырудағы рөлі мен орны туралы кең көлемде ақпарат беру», - деп атап өтті қалалық білім басқармасының басшысы Әсима Бимендина.
Газет қазақ және орыс тілдерінде айына екі рет жарық көреді. Таралымы - 1000 дана.
Бас редактор Бақыт Түлкібаеваның айтуынша, газетте «Шеберлік сырлары», «Жетістік студиясы», «Отбасылық тәрбие әліппесі», «Маман кеңесі» сияқты айдарлар болады.
Сондай-ақ, түрлі конкурстар ұйымдастырылып, танымдық мақалалар көптеп жарияланатын болады.