Астананың қай нүктелерінде коньки теуіп, шанамен сырғанауға болады

АСТАНА. ҚазАқпарат - Биыл астаналықтар өздерінің бос уақытын қаланың кез келген жерінде көңілді өткізе алады, деп хабарлайды ҚазАқпарат елорда әкімдігінің ресми сайтына сілтеме жасап. 

Биылғы қыста Астананың әр ауданында сырғанақ алаңдары, шаңғы тебуге арналған жолдар ұйымдастырылып, мұз төбешіктер орнатылды. Қысқы ойын-сауық алаңдарында конькиді, тюбингтерді жалға беру қарастырылған.

Барлық алаңдар Astana Winterland жобасы аясында іске қосылған. Бұл - қала аудандарындағы 12 тақырыптық алаң, 32 мұз айдыны, 36 мұз төбешік, 400-ден аса шара.