Атырауда 54 жастағы ер адамның құлдықта болғаны рас па - полиция жауап берді

АТЫРАУ. KAZINFORM – Атырауда ер адамның құлдықта болғаны жайлы дерек расталған жоқ. Полиция қызметкерлері әлеуметтік желіде тараған ақпаратқа сенбеуге шақырды.

Бұл туралы ақпарат әлеуметтік желіде, кейбір телеграм арналарында тарады. Алайда жергілікті полиция қызметкерлері оның құлдықта болмағанын анықтады. 

– Атырау облысының полиция департаменті әлеуметтік желіде тараған дерекке қатысты мониторинг жүргізіп, жедел анықтау-тексеруді қолға алды. Соның нәтижесінде 1971 жылғы ер адамның еш жерде мәжбүрлі түрде немесе құлдықта болғаны расталмады. Полиция қызметкерлері аталған азаматтың тұрғылықты мекен-жайына барып, туыстарымен әңгімелесті. Әлеуметтік желіде таралған ақпараттың жалған екені белгілі болды, -деп хабарлады департаменттің баспасөз қызметі.

Еске сала кетелік, бұған дейін Атырауда әйелдің өліміне байланысты қылмыстық іс қозғалғанын жазған болатынбыз. 

Кейін Атырауда 46 жастағы әйелді өлтірген күдікті қамауға алынғанын хабарлаған едік.