Атырауда арнайы техника автобуспен соқтығысып, үш жолаушы ауруханаға жеткізілді

Атырау облысы полиция департаментінің мәліметінше, жол-көлік оқиғасы 20 қыркүйек күні сағат 18:50 шамасында Құлсары қаласындағы Махамбет даңғылында болған.

Әлеуметтік желіде тараған видеодан арнайы техника бұрылып жатқан кезде «Yutong» автобусының терезелерін сындырғанын байқауға болады. Салдарынан жарақат алған үш жолаушы ауруханаға жеткізілген.

Қазір жол-көлік оқиғасына қатысты тиісті іс-құжаттар жинақталып жатыр.

Полиция жүргізушілерге жол қозғалысы ережелерін қатаң сақтауды ескертті.

Бұған дейін Қонаевта бала көлік астына түсіп, мерт болғанын жазған едік.