Атырауда қатарласын пышақтаған оқушының ісі сотқа жетті
АТЫРАУ. KAZINFORM — Атырау облысының қылмыстық істер жөніндегі мамандандырылған ауданаралық сотына Binom School оқушысына жасалған шабуылға қатысты қылмыстық іс түсті. Айыпталушы ретінде 15 жастағы оқушыдан жауап алынады.
Атырау облыстық сотының баспасөз қызметі істің сотқа түскенін растады. Процесс жабық өтеді.
Алдын ала мәлімет бойынша, оқушыға ҚР Қылмыстық кодексінің 24-бабының 3-бөлігі (Қылмысқа дайындалу және қылмысқа оқталу) және 99-бабының 3-бөлігі (Жас баланы өлтіруге әрекет жасау) бойынша айып тағылып отыр.
Еске салайық, қанды оқиға 13 наурыз күні жеке мектептердің бірінде болды. 9 сынып оқушысы 8 сыныпта оқитын қызды пышақтаған. Ауыр жарақат салдарынан ол ауруханаға түскен еді.
