Атырау облысында «Астрахан-Маңғышлақ» су таратқышында құбыр жарылды, жұмыскер қаза тапты - ҚР ТЖМ
АСТАНА. 31 мамыр. ҚазАқпарат - Атырау облысында «Астрахан-Маңғышлақ» су таратқышында құбыр жарылды, бір жұмыскер қаза тапты, деп хабарлады ҚР ТЖМ-нің баспасөз қызметінен.
Сәрсенбі, 31 мамыр күні Атырау облысында «Астрахан-Маңғышлақ» су таратқышының 0-449 шақырымында қызметкермен манометрлердің көрсеткішін түсіру кезінде құбырдың жарылуы болды.
ТЖ салдарынан «Қиғаш» Желілік-өндірістік диспетчерлік қызметінің 52 жастағы құбыр жүргізушісі жарақат алып, ол ауруханаға барар жолда көз жұмды.
ТЖ орнында «ҚазТрансОйл» Батыс филиалының жұмыскерлері қалпына келтіру жұмыстарын жүргізуде.
