Атырау облысында мал ұрлаумен айналысқан қылмыстық топ ұсталды - ІІМ

АСТАНА. Қарашаның 30-ы. ҚазАқпарат /Жасұлан Аманбайұлы/ - Атырау облысында мал ұрлығын іске асырып келген қылмыстық топ ұсталды. Бұл туралы бүгін апталық брифингте ІІМ-нің Тіл саясаты және ақпарат департаментінің бастығы Қуанышбек Жұманов мәлім етті,

деп хабарлайды ҚазАқпарат.

Облыстың Махамбет ауданында 7 адамнан құралған топ әшкереленді. Олар көп жылдар бойы мал ұрлығымен айналысып келген. Қазіргі уақытта олардың мал ұрлаудың 22 фактісіне қатыстылығы дәлелденіп отыр.