Атырау облысында жыл басынан бері 12 қылмыстық топ ұсталды
АТЫРАУ. ҚазАқпарат – Атырау облысында жыл басынан бері 12 қылмыстық топ анықталған, деп хабарлайды ҚазАқпарат тілшісі.
«Биыл сегіз айда өңірде 4121 қылмыс тіркелді. Бұл былтырғыдан 8,2% аз. Қылмыстардың азаюы мен олардың жылдам ашылуы «Правопорядок», «Участок», «Мигрант», «Қару» жедел-профилактикалық шараларының тұрақты түрде өткізілуімен байланысты. Осы операцияларды жүргізу кезінде өңірде сегіз айда 12 қылмыстық топ анықталды. Олар жалпы жүзден астам үй мен пәтерді тонаған», - деп мәлімдеді Атырау облысы полиция департаментінің бастығы Қамза Үмбетқалиев тұрғындармен кездесуде.
41 күдікті ұсталып, қолды болған бұйымдар иелеріне қайтарылды.
Автор: А. Соколов
