«Атырау-Самара» құбырымен мұнай айдау миллион тоннаға артады
АТЫРАУ. Сәуірдің 14-і. ҚазАқпарат /Андрей Соколов/ - 2009 жылы «ҚазТрансОйл» АҚ-ның Атырау» мұнай айдау стансысы арқылы «Атырау-Самара» мұнай құбырымен мұнай айдау көлемі бір миллион тоннаға артады,
деп хабарлайды ҚазАқпарат тілшісі.Бұл туралы ҚР Парламенті Мәжілісінің облыста жұмыс сапарымен жүрген депутаттарына «Атырау» мұнай айдау стансысының мамандары айтты. Өткен жылы стансы Самара бағытына 16,5 миллион тонна шикізат жөнелтті. Жаңа мұнай айдау қондырғыларын қолдану арқылы биыл оның көлемі 17,5 миллион тоннаға жеткізілмек.Ал тағы 5 миллион тонна шикізат Каспий құбыр консорциумы және бір миллион тонна Теңіз мұнайы теміржол арқылы жөнелтілмек.
