Атырауда белгісіз газдан уланғандардың 27-сі әлі ауруханада жатыр
АТЫРАУ. Желтоқсанның 7-сі. ҚазАқпарат /Андрей Соколов/ - Атырауда белгісіз газдан уланып қалған агротехникалық колледжінің 27 оқушысы мен оқытушылары әлі ауруханада жатыр.
Дәрігерлердің айтуынша, олардың жағдайы тұрақты, өмірлеріне қауіп жоқ. Бірақ та зардап шегушілердің бір бөлігі бастары ауырып, лоқсуда, дегенмен бұл белгілер сиреп келеді.
Бүгін бас қосатын медициналық консилиум: ауруханада жатқандарды бақылауды жалғастыру немесе оларды үйлеріне қайтару мәселесін шешуі керек.
Агротехникалық колледжде белгісіз газдан уланған 35 оқушы мен 3 оқытушысы желтоқсанның 1-3-і аралығында ауруханаға түскенін ҚазАқпарат бұдан бұрын хабарлаған болатын.
Тергеу органдары мен жергілікті атқарушы билік колледжде орын алған оқиғаға әзірге ресми түсіндірме берген жоқ.
