Атырауда қаржы полициясы халықаралық лаңкестік құрылымдарының демеушілерін құрықтады

АТЫРАУ. 4 қазан. ҚазАқпарат - Атырауда экономикалық қылмысқа және сыбайлас жемқорлыққа қарсы күрес департаментінің қызметкерлері халықаралық лаңкестікті қаржыландырып келген екі топты анықтады.

Қаржы полициясынан хабарлағандай, халықаралық лаңкестік құрылымдарының біріне ақша жіберіп тұрған екі адам қамауға алынған. ҚК барлық баптарының жалпы жиынтығы бойынша оларға айып тағылып, лаңкестікке демеушілік көрсетіп келгендер 16 жылдан бас бостандықтарынан айырылды. Халықаралық лаңкестікті қаржыландыруға қатысы бар тағы бір топ тергеліп жатыр.

Қаржы полициясындағылардың атап өтуінше, Қазақстанда халықаралық лаңкестікті қаржыландыру бойынша жазаға тарту жағдайы алғаш рет орын алған.