Атырауда көктайғақтан 250-ден астам адам жарақат алды
АТЫРАУ. ҚазАқпарат - Атырауда дүйсенбі күні қатты көктайғаққа ұласқан жауынның салдарынан үш күнде 255 адам түрлі дене жарақатын алдын, деп хабарлады «ҚазАқпарат» ХАА тілшісі.
«Дүйсенбіден бастап дәрігерлер көмегіне жүгініп, жарақат алғандар саны екі есе артып, орташа алғанда 40-тан 80 адамға жетті. Негізінен адамдардың буыны шығып, аяқ-қолдары зақымданған, сіңірлері созылған. Бұл күндері 255 адамның 40-ы аяқ-қолы сынып жүгінді. 22 адам қазіргі уақытта стационарлық ем қабылдауда», - деп хабарлады облыстық аурухананың травмотология бөлімшесінің меңгерушісі Асқат Бисенғалиев.
Қазір қалада күшейтілген режімде көше тазарту жұмыстары жүріп жатыр. Мұз қатқан жаяу жүргіншілерге арналған жолдар әлі де қатты тайғанақ.
