Атырауда төрт әскери қызметкер сот алдында жауапқа тартылды
АТЫРАУ. 20 қаңтар. ҚазАқпарат - Атырауда 2016 әскери бөлімшесінің төрт әскери қызметкері сот алдында жауап берді.
Оларға бөлімшеде бей-берекетсіздікке жол берген, жас сарбаздарға қорлық көрсетіп, ақшаларын тартып алып отырған деген айыптар тағылуда. Соның салдарынан 2013 жылдың 19 тамызында үш солдат әскери бөлімшені тастап кетіп қалған. Борышын өтеушілер тек үш тәуліктен соң ғана табылып, бөлімшедегі бассыздықтар туралы айтып берген.
Сот ісі барысында айыпталушылардың қылмыстары дәлелденетін болса, олар 5 жылға дейін бас бостандықтарынан айырылулары мүмкін
