АУА РАЙЫ: 29 сәуір күні Қазақстанның батысы мен шығысында жаңбыр жауады
АСТАНА. ҚазАқпарат - 29 сәуір күні Қазақстанның бірқатар аймағында күн ашық болады, тек еліміздің шығысы, оңтүстік-батысы мен орталығында атмосфераның фронтальді бөлімдерінің көшуіне байланысты ауа құбылмалы, кей жерлерде нөсер жаңбыр болады, деп хабарлады «Қазгидромет» РМК.
Нақтырақ айтқанда, Ақмола, Солтүстік Қазақстан, Шығыс Қазақстан облыстарында тұман түсіп, Жамбыл, Оңтүстік Қазақстан, Павлодар облыстарының кей жерлерінде, 15-20 м/с жылдамдықпен жел соғады.
Маңғыстау облысында күндіз кей жерлерде жауын жауса, Қарағанды облысының кей тұсында түнде тұман түсіп, желдің жылдамдығы 15-20м/с дейін жетеді. Қызылорда мен Қарағанды облыстарының кей жерлерінде өрт қаупі бар.
