07:29, 04 Сәуір 2015 | GMT +5
АУА РАЙЫ: Бүгін еліміздің басым бөлігінде күн ашық болады
АСТАНА. ҚазАқпарат - Еліміздің оңтүстік өңірлерінде атмосфераның фронтальді бөлімдерінің көшуіне байланысты кей жерлерде жауын жауып, жел күшейгенімен, қалған аймақтарда күн ашық болады, деп хабарлады «Қазгидромед».

Жамбыл облысының кей аумағында тұман түсіп, 15-20 м/с дейін жылдамдықпен жел соғады. Қызылорда, Батыс Қазақстан облыстарында күндіз жел екпіні 15-20 м/с дейін жетеді. Қостанай, Солтүстік Қазақстан, Павлодар, Қарағанды, Шығыс Қазақстан облыстарының кей аумағында тұман түседі.