Ауа райының қолайсыздығына байланысты ел аймақтарында жолдар жабылды
АСТАНА. ҚазАқпарат - Ақтөбе облысында қар жауып, бұрқасындатудан жолдың нашар көрінуіне байланысты 13 наурыз күні сағат 19.30-дан бастап «Ақтөбе-Ор» тас жолының 75-135 шақырымында барлық көлік түрлері үшін жолдар жабылды.
Бұл туралы "Қазақавтожол" РМК баспасөз қызметінен хабарлайды. Ал Қарағанды облысында жолдағы көктайғаққа байланысты 14 наурыз сағат 01.00-ден бастап «Алматы-Екатеринбург» тас жолының Қарағанды-Балқаш жол учаскесінде көлік қозғалысы барлық көлік түрлері үшін шектелді. Сондай-ақ 11 наурыздан бері Алматы облысында боранға және жолдың нашар көрінуіне байланысты «Үшарал-Достық» тас жолының 83-113 шақырымында жолдар жабық екенін еске саламыз.
