Ауа райының қолайсыздығына байланысты Қарағанды облысында барлық бағыттар бойынша жол жабылды

деп хабарлайды ҚазАқпарат.

ҚР Төтенше жағдайлар министрлігінің хабарлауынша, көктайғақтың болуы себепті кеше, қаңтардың 4-і күні сағат 18.30-дан бастап, облыстан барлық бағыттар бойынша және көліктің барлық түрлеріне алыс жолға шығуға тыйым салынды.

Сондай-ақ «Қазгидромет», қаңтардың 5-і күні түнде Жамбыл облысында оңтүстік-батыстан қатты жел тұратындығын, оның екпіні 18-23, кей уақыттары 28-33 м/с-қа дейін жететіндігін ескертіп отыр.