Аударыспақтан ұлттық құраманың барлық спортшысы финалға шықты

АСТАНА. KAZINFORM – Еліміздің ұлттық құрамасы аударыспақтан толықтай ақтық сынға өтті.

Аударыспақтан ел намысын финалда Есімхан Рахматіллә (90 келі), Сырым Ізбасаров (100 келі) және Біржан Қосалиев (+100 келі) қорғайды. Ақтық сын сағат 16:00-де басталады.

Айта кетсек, аударыспақтан алғашқы жарыс күнінде 60 келіде Ермек Құралбай, 70 келіде Алмат Ләтіпбек және 80 келіде Дарын Өткелбай алтын медаль алды. 

Ал бүгін қазақ спортшысы қарсыластарын 5 секундта ұтып шықты. 100 келіден жоғары салмақта ел намысын қорғап жатқан түркістандық Біржан Қосалиев қарсыластарын аз уақыттың ішінде ұтып, ақтық сынға жолдама алды. 

Одан бөлек, отандастарымыз «Түркі» стилінде жамбы атудан бақ сынап жатыр.