Ауғанстан мен Пәкістан атысты тез арада тоқтату туралы келісімге келді
АСТАНА. KAZINFORM – Тараптар Кабул мен Исламабад арасында бейбітшілік орнатып, тұрақтылықты нығайту мақсатында арнайы механизмдер құру жөнінде де келісімге келе алды, деп жазды ТАСС.
Ауғанстан мен Пәкістан өкілдері 18 қазанда Дохада Катар мен Түркияның арағайындығымен өткен келіссөздер аясында шекарадағы атысты дереу тоқтату туралы уағдаласты.
— Келіссөз раунды барысында тараптар атысты дереу тоқтату және екі ел арасында бейбітшілік орнату мен тұрақтылықты нығайтуға бағытталған механизмдер құру жөнінде келісімге келді, — делінген Катар СІМ-нің X (бұрынғы Twitter) әлеуметтік желісіндегі парақшасында жарияланған мәлімдемеде.
Еске сала кетсек, бұған дейін Пәкістан Дохада Ауғанстанмен келіссөз жүргізуге ниетті екенін мәлімдеген.
Ал оған дейін екі тарап атысты 48 сағатқа тоқтатуға келіскен.
