Ауыл тұрғыны үш адамды аман алып қалды - БҚО

Онда ауылдан он шақырымдай жерде аязды боранға ұшырап, шанаға жеккен аттары әбден болдырып, өздері тоңған үш адамның ауыр халі айтылды. Жолаушылар Шыңғырлаудың Қарағаш ауылынан шығыпты.

Журналист Мүсірбек Айташевтің айтуынша, хабарды ести сала Серікбай Закарин жедел жылы киініп алып, қорада тұрған әлді де тың атына міне сала, ауылдан 10 шақырымдай жерде орналасқан «Әзтөбе» нүктесіне аттанды.

Күн болса қар жауып, төңірек ақтүтек боранға ұласқан. Тө­ңі­ректі барлап, қараудың өзі қиын­ға айналды. Дегенмен, кеш­кі сағат 18.30 шамасында өздері әбден жаураған, беттері домбыққан, қалжыраған қараағаштық үш адамды (біреуі 5 сыныптың оқушысы) Серікбай «Әзтөбе» нүктесінен тапты. Келген бойда Серікбай шаршап, қалжыраған, үстері суланған адамдарға алғашқы көмектерін көрсетіп, олардың айтулары бо­йынша Қарағаш ауылындағы азаматтарға ұялы байланыс ар­қылы хабарлап, көмек ша­қыр­ды.

Көп кешікпей Қарағаш ауылынан да адамдар көмекке келді. Дүйсенбі күнге қараған шақта, яғни 20 қаңтар күні таңғы сағат 4-ке таяу кезде Серікбай өзінің атын шанаға жегіп, болдырған атты жетекке ала далада адас­қан адамдарды отбасыларына аман-есен жеткізді.

Сөйтіп, Орал қаласында оқитын 5 сынып оқушысын көршілес Жо­са­лы ауылына жеткізіп, қала­ға жөнелтуді мақсат еткен қа­рағаштық азаматтар қайы­­рым­ды азамат Серікбай Зака­рин­нің аза­маттығы арқа­сында көлденең келген кесапаттан аман қалды.