Автохимия: Қазақстанда автокөліктерге арналған мұздатпайтын шыны жуғыштар өндіріле бастады

Отандық өнім
Фото: ҚР Ғылым және жоғары білім министрлігі

АСТАНА. KAZINFORM — Қазақстандық жас ғалымдар автокөліктерге арналған мұздатпайтын шыны жуғыштар жасап шықты. Бұл туралы ҚР Ғылым және жоғары білім министрлігі мәлім етті. 

Технологияны «Tekhno_Company_2022» ЖШС мамандары әзірледі.

Мамандардың айтуынша, этиленгликоль/су қоспасы негізгі сұйықтық ретінде, ал нанофидті алу үшін нанобөлшектер ретінде силикагель таңдалады. Жұмыс барысында силикагель қоспаларының базалық сұйықтықтың қату температурасына әсерін бағалау жүргізілді және этиленгликоль/су базалық сұйықтығына силикагель нанобөлшектерінің шамалы қоспалары олардағы спирт құрамын тиісінше -20 °С, -30°С және -40°С қату температуралары үшін 3,6%, 4,05% және 4,55% төмендетуге мүмкіндік беретіні анықталды.

Отандық өнім
Фото: ҚР Ғылым және жоғары білім министрлігі

«Әзірленген шыны тазалағыштың сұйықтығында қауіпті метан және изопропил спирт қосылыстары жоқ, аллергия мен жағымсыз иістерді тудырмайды. Инновациялық сұйықтықты сериялық өндіру жылына 135 тонна немесе 45 мың дана көлемінде жүзеге асырылады, бұл қала ішіндегі нарық қажеттіліктерін қамтиды. Өнімдер көптеген аналогтардан асып түседі және қосылған құны жоғары, ҚР патентімен қорғалған. Жоба ҚР Ғылым және жоғары білім министрлігінің Ғылым қорының қолдауымен, ҒҒТҚН коммерцияландыру жобаларын гранттық қаржыландыру шеңберінде іске асырылып отыр», — делінген хабарламада.  

Соңғы жаңалықтар